Жогорку Сот Жыргалбек Саматовду Жогорку Кеңештин депутаты деген мандатынан ажыратуу боюнча Борбордук шайлоо комиссиясынын чечимин мыйзамдуу деп тапты. Бул тууралуу Боршайкомдун маалымат кызматы кабарлады.
Саматовдун мандаты 8-июлда алынган. Буга анын Орусия жарандыгы бар экени тууралуу такталган маалыматтар негиз болгону айтылган. Буга нааразы болгон Жыргалбек Саматов 15-июлда сотко кайрылган.
Жыргалбек Саматов жогорудагы себептен улам үчүнчү ирет мандатынан ажыратылды. Өзү орус жарандыгы жок экенин айтып келет.
