Линктер

шейшемби, 22-август, 2017 Бишкек убактысы 05:30

Ереванда барымтага алынган полиция имаратынын алдында кайрадан жүздөгөн адам чогулду. Бул тууралуу "Интерфакс" жазып чыкты.

Маалыматка караганда, акция катышуучулары бир нече полиция кызматкерин туткунда кармап турган куралуу топту колдоп, Армения президентинин отставкасын талап кылышууда.

Полиция азырынча эч кандай аракет көрө элек. Күбөлөр имарат жактан мылтык үндөрү угулуп жатканын айтышкан. Активисттер куралдуу топ ок атуу менен өз колдоочуларын кубаттап жатканын кабарлашты.

Кечээ Армениянын Ички иштер министрлигинин имаратынын жанында нааразылык акциясына чыккандар менен полиция кагылышып, 136 киши кармалган. Кийинчерээк алардын көбү бошотулуп, полиция бөлүмүндө 28 адам калган. Бул арада 16 активистке жапырт башаламандыкка катышты деген айып менен кылмыш иши козголду.

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG