Жалал-Абад облустук ички иштер башкармалыгындагы “Азаттыктын” ишенимдүү булактары 10-бөлүмдүн бир кызматкери адам уурдоого шектелип Ош шаарында камакка алынганын ырастады. Шаардык сот 27-июлда анын баш коргоо чарасын карап 20 күнгө камакка алуу тууралуу чечим чыгарды.
Ош шаарында өткөн айда, 24-июнда кытайлык А. Али аттуу адам жума намазга барган боюнча үйүнө келген эмес. Бул факт боюнча Ош шаардык ички иштер башкармалыгы кылмыш иш козгогон. Чет өлкөлүк ишкер ошондон бери табыла элек.(BkA)
