Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 02:04

УКМК кызматкери адам өлүмүнө шектелип кармалды


Ысык-Көлдүн Тоң районунда адам өлүмүнө шектелип кармалган жаран Улуттук коопсуздук боюнча мамлекеттик комитеттин кызматкери экени аныкталды. Бул тууралуу “Азаттык” радиосуна Ысык-Көл облустук Ички иштер башкармалыгынын басма сөз катчысы Сталбек Усубакунов билдирди:

-Күч тармагында иштегендер аралашкан кылмыштарды Аскер прокуратурасы териштирет. Учурда бул ишти аталган мекемеге өткөрүп берүү жараяны жүрүүдө.

Маалыматка караганда, өткөн жума күнү Ысык-Көлдүн Тоң районунда эки киши мас абалында жаңжалдашып, бири экинчисин бычактап койгон. Жабырлануучу Балыкчы шаардык ооруканасында каза тапкан.

Кылмышка шектелип кармалган жаран 31 жашта. Ысык-Көлгө Бишкек шаарынан барган.

Улуттук коопсуздук боюнча мамлекеттик комитеттин басма сөз катчысы Рахат Сулайманов бул боюнча комментарий берилбей турганын айтты. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG