Бишкек-Нарын-Торугарт каттамынын 119-чакырымында 2-августта түнкү саат 11лер чамасында көлөмү 300 метр кубду түзгөн таш түшүп, автоунаа тыгыны пайда болгон болчу. 3-августка караган түнү жол толук тазаланганын Өзгөчө кырдаалдар министрлигинен “Азаттык” радиосуна билдиришти.
Жолдун Боом капчыгайындагы бул бөлүгүнө акыркы кезде таш көп түшүп жатат. 30-июлда 142-143-чакырымдарда “Хонда Степ” үлгүсүндөгү автонунаага таш кулап, бир адам набыт болгон эле. Андан кийин да таш кулап, эч ким жабыркаган эмес. (NT)
