Линктер

жума, 28-июль, 2017 Бишкек убактысы 08:35

Башкы прокуратура Таш-Көмүр шаардык ички иштер бөлүмүнүн ыкчам-иликтөө багытында иштеген үч кызматкеринин үстүнөн козголгон кылмыш ишти сотко өткөрүп берди. Алар психикалык оорулуу адамды кыйнап, күнөөнү мойнуна алдырууга аракет кылышкан, деп айыпталууда.

Башкы көзөмөл органы билдиргендей, 2015-жылдын 11-декабрында үч милиционер Кызыл-Жар айылындагы психикалык ооруканада жаткан адамды тергөө бөлүмүнө алып келишип, уурулук фактысын мойнуна алдыруу максатында кыйнашкан. Медициналык экспертизада тартип коргоо кызматкерлеринин мыйзамсыз аракеттери далилденген.

Ишти азыр Таш-Көмүр шаардык соту карай баштады.

Өткөн айда Бишкек шаарында да кыйноо колдонууга айыпталып, үч тартип сакчысынын үстүнөн кылмыш иши козголгон.

2014-жылы Жалал-Абаддын Базар-Коргон районунун эки аймактык инспектору кыйноо колдонууга айыпталып,11 жылга камалышкан. (SE)

Сиздин пикир

пикирлерди көрсөт

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG