Украинанын мурдагы премьер-министри Николай Азаров Башкы прокуратурага суракка чакырылды. Мекеменин расмий сайтына жарыяланган маалыматка караганда, кеп "мурдагы президент Виктор Януковичтин жетекчилиги менен түзүлгөн кылмыш тобу Укрнафта» жана «Укргазвыдобування» ишканаларынын 2 миллиард гривна акчасын тартып алган" деген айыпка байланыштуу болууда.
Сурак 9-августка белгиленди.
Николай Азаров украин өкмөтүн 2010-2014-жылдары башкарган. 2014-жылы бийлик алмашканда ага эл аралык издөө жарыяланган. (RK)
