Бразилияда башталган Жайкы Олимпиада оюндарында Кыргызстандан барган спортчулардан эң алгач дзюдочу Отар Бестаев таймашка түшөт. 6-август күнү кечинде ал египеттик Абел Рахман Ахмед менен күч сынашат.
Олимпиаданын салтанаттуу ачылышында кыргыз желегин көтөрүп чыккан боксчу Эркин Адылбек уулу 7-августка караган түнү колумбиялык мушкерге каршы рингге чыгат. Ошол эле күнү оор атлетчи Жаңыл Окоева мелдештерди баштайт.
Рио-де-Жанейродо 5-августта расмий ачылган олимп оюндарына Кыргызстандан 19 спортчу катышууда. (SE\ECh)