Оштун Чоң-Алай районунда туристтик сезондун ачылышына карата “Чоң-Алай тоосу” деген фестиваль уюштурулду. 6-августта өткөн иш-чарада улуттук ат оюндары өтүп, кыргыздардын каада-салтын даңазалаган көркөм өнөрлөр тартууланды. Жайлоо койнуна боз үйлөр тигилип, ырчы-бийчилер концерт коюшту.
Максаты - Чоң-Алай районун даназалап, туристтерди тартуу. Уюштуруу иштерин жана чыгымдарын "Тарых жана маданият жылын” өткөрүү боюнча мамлекеттик дирекция, райондук администрация жана Кашка-Суу айыл өкмөтү көтөрдү.
Борбор Азиядагы эң бийик Ленин чокусу Чоң-Алайда жайгашкан. Бул жерге жыл сайын чет элден ондогон туристтер келишет.
