Линктер

ишемби, 19-август, 2017 Бишкек убактысы 07:46

Президент Сот приставдары жөнүндөгү мыйзамга кол койду


Президент Алмазбек Атамбаев «Сот приставдары жөнүндөгү» мыйзамга кол койду.

Аталган мыйзам көз карандысыз соттордун кадыр-баркын бекемдөө жана ишмердигин камсыздоо, сот адилеттигин ишке ашыруу үчүн зарыл шарттарды түзүү, судьяларга, сот отурумунун катышуучуларына жана сот аткаруучуларга карата коркутууларга, басым өткөрүүгө жол бербөө максатында иштелип чыккан.

Жазык-процессуалдык кодекстин 270-беренесине ылайык, сот приставы сот отурумунда тартипти камсыз кылат. Төрагалык кылган адамдын буйруктарын жана мыйзам тарабынан ага жүктөлгөн башка ыйгарым укуктарын аткарат.

Мындай жобо 1999-жылы эле демилгеленип, бирок каржылык себептер менен аткарылбай келген.

Сот приставы - бийлик өкүлү болуп саналат жана кызмат милдеттерин аткарууда мамлекеттин коргоосунда болот. Бул кызматта 21 жаштан өткөн, жогорку билимдүү кыргызстандыктар иштей алат.

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG