Жалал-Абаддын Аксы районунда 8-августта жүргөн сел кесепетин жоюу иштери уланууда. Өзгөчө кырдаалдар министрлиги кабарлагандай, нөшөрлөгөн жаандан улам түн жарымда жүргөн сел Кара-Суу, Чарба, Кара-Жыгач айылдарында короолорго зыян келтирген.
Андан тышкары Чаткал районунда 6-августтагы мөндүр аралаш жаандан улам жүргөн селдин кесепеттери жою жумуштары да жүрүп жатат. Ал күнү Терек-Сай айылында сайдан суу ташып 30 чакты үйдүн короосун баскан. Электр өткөргүчтөргө зыян келген.