Бүгүн Сооронбай Жээнбеков жетектеген кыргызстандык делегацияны аэропорттон Сочи шаарынын мэри Анатолий Пахомов тосуп алды. Бул тууралуу жеринен "Азаттык" радиосунун кабарчысы билдирди.
Премьер-министр баштаган топ Орусиянын Сочи шаарына Евразия экономикалык биримдигинин өкмөттөр аралык кеңешинин жыйынына катышуу үчүн барды. Эртеңки отурумда ЕАЭБдин бирдиктүү соода тармагында жана дары-дармек соодасындагы кызматташуу маселеси каралат. Анын алкагында орус-кыргыз өкмөттөрүнүн эки тараптуу жолугушуусу да болот.
ЕАЭБге Кыргызстан, Казакстан, Орусия, Армения жана Беларус мүчө. (NT/SE)