16-августта нөшөрлөгөн жаандан улам Чолпон-Ата шаарында сел жүрүп, 70ке жакын турак жайды, кафелерди каптаган. Шаардын жогору жагындагы Тогуз-Булак сел өткөрүү каналынан суу ташып кеткен. Сел Чолпон-Ата шаарындагы «Рух Ордо» маданий борборун да каптап, олуттуу зыян келтирилген. Жергиликтүү бийлик, Өзгөчө кырдаалдар министрлигинин өкүлдөрү үйлөрдү кыдырып, зыяндын көлөмүн аныкташууда. (NT)
