Линктер

ЧУКУЛ КАБАР!
21-Октябрь, 2021 бейшемби, Бишкек убактысы 18:28

Жакупова: Сариевдин Конституцияны өзгөртүү боюнча пикир билдиргени маанилүү


Темир Сариев.

Бул тууралуу Жогорку Кеңештин “Бир бол” фракциясынан депутат Чолпон Жакупова “Азаттыкка” билдирди. Анын айтымында, конституциялык кеңешме түзүү менен гана Башмыйзамга өзгөртүү киргизүү сунушу учурда керек болуп турат. Жакупова Темир Сариевдин Конституцияны өзгөртүүгө каршы пикирин билдириши дурус жөрөлгө экенин айтты:

- Темир Сариев буга чейин Атамбаев менен санаалаш болуп жүргөн адам катары Башмыйзам боюнча өз пикирин айтканы туура болду. Ал Өмүрбек Текебаев сыяктуу эле Башмыйзамды өзгөртүүгө каршы чыкканы абдан маанилүү. Анткени алар Убактылуу өкмөттүн мүчөсү катары 2010-жылдагы Конституцияны коргоого моралдык укугу гана бар эмес, түздөн-түз жоопкер. Мен буга чейин бул маселе боюнча Убактылуу өкмөттүн мүчөлөрүнүн унчукпай отурганына таң калып жаткам.

Бүгүн мурдагы премьер-министр Темир Сариев Конституцияга өзгөртүү киргизүү боюнча Жогорку Кеңештеги беш фракциянын лидерлерине кайрылуу жолдоду. Сариев азыркы Конституция кабыл алынган кыйын кезеңди эстөөгө чакырды. Сариев ошондой эле Башмыйзамды өзгөртүү тууралуу маселени талкуулоонун өзү канчалык мыйзамдуу экенине токтолуп, Конституцияны өзгөртүү боюнча учурда коомчулуктун талкуусуна берилген бир айлык убакыт өтө аз экенин белгилеп, Конституциялык кеңешме түзүп, кеңири талкуулоого чакырды.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG