Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 02:04

Иса Өмүркулов: Конституциялык кеңешме түзүүнүн зарылчылыгы жок


Иса Өмүркулов.

Мындай пикирин Социал-демократтар фракциясынын лидери Иса Өмүркулов “Азаттыкка” билдирди. Анын айтуусунда, Башмыйзамдын беш-алты беренесине гана өзгөртүү киргизүү үчүн Конституциялык кеңешме түзүүнүн кереги жок:

-Эгерде Конституция түп-тамырынан өзгөрүп, жаңыдан кабыл алынып жатса, анда баарын салмактап, текши кароо үчүн Конституциялык кеңешме түзүлсө болмок. Эми бул жерде Башмыйзамдын ыйгарым укуктары гана бир аз өзгөрүп жатат, ошондуктан, менимче кеңешменин кереги жок.

Иса Өмүркулов коомчулуктун талкуусуна коюлгандан бери бир жарым айга жакын убакыт өткөнүн белгилеп, референдумга чейинки үч айдын ичинде жарандар Башмыйзамды өзгөртүүгө пикирин билдирип жетише алат деп кошумчалады.

Парламенттеги “Ата Мекен” фракциясынан тышкары төрт фракция Башмыйзамды өзгөртүү тууралуу демилге көтөрүп, күзүндө референдум өткөрүү сунушу менен чыгышкан. Убактылуу өкмөттүн мүчөсү, экс-премьер-министр Темир Сариев бүгүн парламенттеги фракция лидерлерине кайрылып, Башмыйзамды өзгөртүүгө чейинки жараяндар, Конституциялык кеңешмесиз өзгөртүү аракети легитимсиз экенин эскерткен.(BkA;ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG