Анда бир нече маселелер талкууга алынат. Башмыйзамды 2020-жылга чейин өзгөртүү зарылчылыгы, Конституцияга өзгөртүү киргизүү менен президент жана премьер-министрдин укуктары депутаттарга караганда бекемделип калабы, улуттук кызыкчылыктан эл аралык кызыкчылык бийик туруусу керекпи, деген сыяктуу маселелер каралат.
Талкууга ЖК депутаты, Социал-демократтар фракциясынын мүчөсү Марат Аманкулов, эксперттер, юристтер, экономисттер катышат.
Парламенттеги “Ата Мекенден” башка төрт фракция Конституцияны өзгөртүү демилгеси менен чыгып, аны күзүндө жалпы референдумга коюуну сунушташкан. Оппозиция жана “Ата Мекен” фракциясы муну бийликтин бир колго топтолуусуна мүмкүнчүлүк түзүлөт деп белгилеп, каршы пикир билдирүүдө.(ZKo)
