Кошмо Штаттардын Куралдуу күчтөрүнүн өкүлүнүн 22-августагы кабарлоосуна караганда, АКШ аскерлери Гилменд провинциясынын борбору болгон Лашгаргах шаарына жайгаштырылып, ооган коопсуздук күчтөрүн машыктырат жана жардам берет.
Талиптер Лашгаргах шаарына жакын бир нече райондорду басып алып, эми шаардын өзүнө коркунуч туудура баштаган. Гилменд провинциясынын кеңешинин төрагасы Керим Атал күрөш бир нече багытта жүрүп жатканын, жолдор жабык экенин билдирген.
Гилменд провинциясында 3 млрд долларга апийим өстүрүлөт. Провинция калкынын көпчүлүгүн пуштундар түзөт. Пуштундар талиптерге көбүрөөк колдоо көрсөтөрү айтылып келет. (AiT)
