Мектептердеги жаш адистердин жетишсиздиги билим берүүнүн сапатына кедергисин тийгизүүдө. Айрыкча бул көрүнүш айыл жерлеринде актуалдуу маселелердин бири. Бул тууралуу Таласта өтүп жаткан "Бирдиктүү Кыргызстан - 2016" деп аталган жаштар форумунда айтылды.
Уюштуруучулардын бири Акылай Койчуманова тармакты жөнгө салууга коом жапа тырмак киришүүсү керек, деген пикирде. Ал кошумчалагандай, форум ушул сыяктуу маселелерге жаштар менен бирдикте жооп издейт. Иш чарага өлкөнүн жети дубанынан келген 100дон ашык жаш активист катышууда.(AlS)
