Өкмөттө Тарых жана маданият жылын уюштуруу комитетинин кезектеги жыйыны өтүп, экинчи Дүйнөлүк көчмөндөр оюндары жана Үркүндүн 100 жылдыгына карата даярдыктар тууралуу маалымат берилди.
Премьер-министр Сооронбай Жээнбеков ички иштер министрине белгиленген даталарда коопсуздук күчөтүлүшү зарылдыгын тапшырса, транспорт министри Замирбек Айдаров Балыкчы-Корумду жолун оңдоо иши сентябрь айында бүтөрүн билдирди. Ошондой эле президенттин аппараты 26-августта Чолпон-Атадагы ипподромдун айлана-чөйрөсүн тазалоо иретинде көчмө ишембилик өткөрө турганын маалымдады.
Экинчи Дүйнөлүк көчмөндөр оюндары 3-8-сентябрь күндөрү Чолпон-Ата шаарында жана Кырчын жайлоосунда өтөт. (SDz)
