Кыргызстандын Тышкы иштер министрлиги 22-августта өз жанын кыйган жарандын чоо-жайын аныктады. Маалыматка ылайык, Э.А. аттуу кыргыз жараны мас абалында үйүнө терезе аркылуу кирүүгө аракет кылган. Экинчи кабатка чыгып баратканын көргөн коңшулар аны ууру деп ойлоп, полиция кызматкерлерин чакырган.
Түштүк-Сахалин шаарынын полициясы аталган кыргыз жаранын жергиликтүү полиция участогуна алып барып, окуяны териштирүү үчүн убактылуу камап койгон. Бирок 22-августта саат 19:45тер чамасында ал өзүн-өзү асып алган. ТИМдин маалымдашынча, анын баары видеокөзөмөлгө жазылып калган.
Учурда маркумдун сөөгүн Кыргызстанга жөнөтүү боюнча кыргыз жаматтары бирге аракеттер көрүлүүдө.
