Кремлдин маалымдаганына караганда, үч өлкөнүн лидери Чоң жыйырмалыктын Кытайдагы саммити учурунда жолугушуп, Украинадагы кырдаалды сүйлөшүүнү макулдашты. Украина чыгышындагы кырдаалдын курчушу жана Крымдагы диверсанттар боюнча окуялар Минск келишиминин аткарылышын бузат деген чочулоо жараткан эле. 23-августта үч өлкөнүн президенттери телефон аркылуу сүйлөшүп, 4-5-сентябрда Кытайда жолугушууну мерчемдешти. Крымдагы окуядан кийин Украина президенти Петро Порошенко Орусиянын “толук масштабдуу” кол салуусу мүмкүндүгүн билдирген эле. (AiT)
