Линктер

ЧУКУЛ КАБАР!
20-Октябрь, 2021 шаршемби, Бишкек убактысы 07:59

Ташкенде кыргыз элчиси кармалган жарандарды бошотуу талабын койду


Үңкүр-Тоо.

25-августта Кыргызстандын Өзбекстандагы толук ыйгарымдуу элчиси Данияр Сыдыков Өзбекстан Тышкы иштер министринин орун басары Саидикрам Ниязходжаев менен жолукту. Жолугушуу кыргыз тараптын демилгеси менен өткөн.

Анда өзбек милициясы тарабынан Үңкүр-Тоодогу радиорелейлик станциянын 4 кызматкеринин кармалып кеткени жана аларды бошотуу боюнча сүйлөшүүлөр өттү. Кыргызстандын талабына өзбек тарап кандай жооп узатканы азырынча эки өлкөнүн министрликтери жарыя кыла элек.

Кыргызстан менен Өзбекстандын мамилеси 22-августта талаштуу делген Аксыдагы Үңкүр-Тоого тик учак аркылуу 7 милиция кызматкерин түшүргөндөн бери кыйла сууп, ортодогу сүйлөшүүлөрдөн натыйжа чыга элек.

Өзбекстандын ички иштер министрлиги Үңкүр-Тоодогу радиорелейлик станцияда иштеген 4 кыргыз кызматкерин кармап кеткен. Бул аракетти алар кыргызстандык байланыш кызматкерлери Өзбекстандын аймагында жүргөндүгү менен түшүндүрүүдө. Буга чейин Кыргызстан Орто-Токой суу сактагычында куралчан жүргөн өзбекстандык милиция кызматкерин кармап, ага сот чечими менен айыппул салып бошоткон.

Эки өлкөнүн Чек ара жана Тышкы иштер министрлигинин деңгээлинде сүйлөшүүлөр уланууда. (SDz)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG