Линктер

бейшемби, 21-сентябрь, 2017 Бишкек убактысы 07:54

Түркия "Ислам мамлекети" террордук тобуна кошулганы бараткан беш македониялык жаранды кармап, мекенине кайтарды.

Македониянын полициясы кабарлагандай, алар түрк кесиптештери менен бирге ишке ашырган атайын операциянын натыйжасында Стамбулда эки апта мурда колго түшүрүлгөн. Эң кичүүсү 18, улуусу 24 жашта.

Македониянын мыйзамдары өз жарандарына башка өлкөнүн армиясына же куралдуу топторго катышуусуна тыюу салат.

Өлкөнүн расмий маалыматына караганда, Сириядагы согушка катышканы кеткен 25 жараны ошол жактан набыт болгон, учурда дагы 50 чакты тургуну согушкерлер арасында жүрөт. Македониянын 2 миллион калкынын 20 процентин исламды тутунган этникалык албандар түзөт. (RK)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG