Линктер

ЧУКУЛ КАБАР!
23-Октябрь, 2021 ишемби, Бишкек убактысы 19:31

Өзбекстан: Эгемендикти майрамдоо иш-чараларын Мирзиёев жетектөөдө


Шавкат Мирзиёев

Өзбекстанда Эгемендиктин 25 жылдыгын белгилөө боюнча бүгүн башталган иш-чараларга премьер-министр Шавкат Мирзиёев жетекчилик кылууда.

Борбор шаар Ташкентте майрамдык салтанаттар жарым-жартылай токтотулган.

Ташкенттен түшкөн кабарларга караганда, бүгүн кечинде өзбек башкалаасында Көз карандысыздык күнүнө арналып, адатта президент Ислам Каримов катышып сөз сүйлөөчү расмий салтанат болбойт.

Ал эми 1-сентябрь Көз карандысыздык күнү да Ташкентте жалпы эл катыша алуучу майрамдык иш-чаралар шаар бийлигинин чечимине ылайык күндүзгү 11ден кечки 6га чейинки убакыт менен чектелди.

Бул аралыкта Ислам Каримовдун кызы Лола Каримова-Тилляева бүгүн интернеттеги өзүнүн социалдык баракчалары аркылуу окурмандарын атасынын тезирээк сакайып кетишин каалаган тилектери үчүн ыраазылыгын билдирди.

Атасы мээсине кан куюлуп, реанимацияда жатканын ал 29-августта ырастаган.

78 жаштагы Ислам Каримов ооруканага түшкөнүн өзбек өкмөтү андан бир күн мурда билдирген болчу. Андан бери президенттин абалы боюнча расмий эч нерсе айтыла элек. (UE/RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG