Линктер

ЧУКУЛ КАБАР!
19-Октябрь, 2021 шейшемби, Бишкек убактысы 05:10

Бишкекте Кыргызстан менен АКШ мамилеси талкууланды


Атамбаевдин АКШ өкүлдөрүн кабыл алуусу, 3-сентябрь, 2016-жыл. Бишкек.

Президент Алмазбек Атамбаев бүгүн АКШ мамлекеттик катчысынын жардамчылары Дэн Розенблюм менен Ангела Агглерди кабыл алды. Өлкө башчынын басма сөз кызматы кабарлагандай, сүйлөшүүнүн өзөгүн эки тараптуу ымаланын мындан аркы өнүгүү жолдору түздү.

Атамбаев АКШ мамлекеттин катчысынын өкүлдөрүнө 1916-жылдагы Үркүндүн 100 жылдык мааракесине катышканы үчүн ыраазычылык билдирди. Коноктор бүгүн Ысык-Көлдө баштала турган Дүйнөлүк Көчмөндөр оюндарынын ачылыш салтанатына барарын маалымдашты. Эки тараптуу жолугушууга АКШнын Кыргызстандагы элчиси Шейла Гуолтни да катышты.

Кыргызстан менен АКШнын дипломатиялык алака-катышы тууралуу негизги келишим 1991-жылы түзүлгөн. АКШнын Бишкектеги элчилиги 1992-жылы февралда ачылган. 1993-жылдагы кызматташууну жеңилдетүү тууралуу өкмөттөр аралык келишим түзүлгөн.

2015-жылы кыргыз өкмөтү Вашингтон ички иштерге кийлигишип жатат деген негизде келишимди бир тараптуу бузган. Кийинчерээк эки тараптуу ымала кайра жандана баштаган. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG