Линктер

ЧУКУЛ КАБАР!
28-Октябрь, 2021 бейшемби, Бишкек убактысы 09:10

Кыргыз делегациясы Каримовдун зыйнатына катышуу үчүн Самаркандга барды


Кыргыз премьер-министри Сооронбай Жээнбеков баштаган делегация Өзбекстан президенти Ислам Каримовду акыркы сапарга узатуу зыйнатына катышуу үчүн Самарканд шаарына барышты.

"Азаттык" радиосуна өкмөттөн кабарлашкандай, топтун курамында өкмөт башчыдан тышкары Жогорку Кеңештин вице-спикери Нурбек Алимбеков, тышкы иштер министри Эрлан Абдылдаев, депутаттар Нодирбек Каримов, Анвар Артыков, экс-депутат Бахтияр Кадыров, коомдук ишмерлер Бөрүбай Жураев, Махамаджан Мамасаидов жана парламенттин аппарат башчысы Абдыманап Кутушев бар.

Маркум менен коштошууга Орусия менен Казакстандан да премьер-министрлер барары кабарланган.

Өзбекстанда президент Ислам Каримовдун өлүмүнө байланыштуу 3-сентябрдан тарта үч күндүк аза күтүү жарыяланды. Маркумдун сөөгү бүгүн Самаркандда жерге берилет. Өзбекстанды 1989-жылдан бери башкарып келген Ислам Каримов оорудан улам каза болгону 2-сентбярда кечинде расмий жарыяланган.

Ушул тушта дүйнөнүн бир катар мамлекеттеринин президенттери Каримовдун көз жумганына байланыштуу өзбек элине көңүл айтуу каттарын жөнөтүп жатышат. (SE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG