Ысык-Көлдө бүгүн башталып жаткан II Дүйнөлүк көчмөндөр оюндарында 6 миңден ашуун тартип сакчысы коопсуздукка көз салууда. Жеринде жүргөн кабарчыбыз билдиргендей, Чолпон-Атада оюндардын ачылыш салтанаты өтө турган ат майданга келгендердин баары тыкыр текшерилип жатат.
Оюндарды чагылдырууга чет өлкөлүк маалымат каражаттарынын 406 өкүлү келген.
3-сентябрдан 8-сентябрга чейин өтчү Көчмөндөр оюндарынын ачылыш салтанаты бүгүн кечки саат сегиз жарымда башталат.
Оюн алкагында дүйнөнүн 40 мамлекетинен келген спортчулар улуттук оюндардын 23 түрүнөн күч сынашат.
