Президенттик аппараттын орун басары кызматына Мира Карыбаева дайындалды. Тийиштүү буйрукка мамлекет башчы бүгүн кол койгонун президенттин басма сөз кызматы кабарлады. Мурда ал аппараттын Диний саясат жана жарандык коом менен кызматташуу бөлүмүнүн башчысы болуп эмгектенген. Анын ордуна Зайырбек Эргешов дайындалды.
Ал эми аппарат башчынын орун басары кызматында мурда Нуржан Шайлдабекова иштеген. Ал июнь айынан бери Борбордук шайлоо комиссиясын жетектейт.
