Линктер

бейшемби, 21-сентябрь, 2017 Бишкек убактысы 14:56

Пакистандын премьер-министри Наваз Шариф ооган качкындары үчүн өлкө аймагында жүрүүгө уруксат мөөнөтүн келерки жылдын март айына чейин узартты. Бул тууралуу ал бүгүн өкмөттүн жыйынында билдирди.

Шариф ооган качкындары Пакистандын коногу экенин, алардын коопсуздугун камсыз кылуу үчүн бардык аракет көрүлөрүн айтты.

Буга чейин уруксат мөөнөтү быйыл 31-декабрда аяктары кабарланган болчу.

Пакистандын аймагында кеминде 1,5 миллион ооган качкыны жашайт. Дагы 1 миллион катталбаган оогандык 1980-жылдары мекенинен качып келип, бул өлкөдө отурукташып калган.

Учурда Бириккен Улуттар Уюмунун көмөгү менен Пакистандагы качкындар лагерлерин этап-этабы менен Ооганстанга көчүрүү аракети көрүлүүдө.

Исламабад ал лагерлерде согушкерлер да жашынып жүрөт деген пикирде. (RK)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG