Спортчу Иззат Артыковго 5 миллион сомго бааланган белек 19-сентябрда тапшырылат. Бул тууралуу "Аю-холдинг" компаниясынын вице-президенти Балбак Түлөбаев “Азаттык” радиосуна билдирди. Быйыл жайында Бразилияда өткөн жайкы Олимп оюндарында Кыргызстандан барган 19 спортчунун ичинен оор атлетчи Иззат Артыков гана коло медаль тагынган болчу. Бирок Эл аралык спорттук арбитраж анын канынан тыюу салынган стрихнин заты табылды деген жүйө менен байгени кайтарып алган. Иззат Артыков допинг колдонгон деген айыпты четке кагып келет. (NT)
