Меккеде жүргөн муфтияттын басма сөз катчысы Максат Атабаев "Азаттык" радиосуна билдиргендей, кыргызстандык ажылардын алгачкы тобу 17-сентябрда мекенине кайтат. Зыяратчылардын баары октябрдын башында толук кайтып келишет.
Быйыл Кыргызстандан ажылыкка 3685 адам барган. Зыяраттын баасы 2600 доллар деп эсептелген. Жалпысынан Сауд Арабиянын Мекке шаарында мусулмандардын беш парзынын бири болгон ажылык зыяратты быйыл 1,5 миллион адам өтөп жатат. (NT)
