Президент Алмазбек Атамбаев интернетте сүрөтү кызуу талкууланып жаткан баланы таап, абалын иликтөөнү тапшырды. Ал эми президенттик аппараттын башчысы Фарид Ниязов мамлекет башчысынын тапшырмасын вице-премьер-министр Гүлмира Кудайбердиевага жана өкмөттүн Ош облусундагы өкүлү Таалайбек Сарыбашевге жолдоду. Бул тууралуу өкмөттөн маалымдашты.
Кабарларга караганда, Кара-Суудагы базарда соода контейнеринин жанында уктап жаткан баланы таап, аны камкордукка алуу, ошондой эле жалпы базарлардагы балдардын абалы боюнча иликтөө жүргүзүү тапшырмасы берилди.
Социалдык тармактарда базарда картон кагазда уктап жаткан 2-3 жаштагы баланын сүрөтү кызуу талкууланууда. Айрым маалыматтар боюнча, сүрөт Кара-Суу базарында тартылган. (ZKo)
