Линктер

ишемби, 29-июль, 2017 Бишкек убактысы 17:53

Меркелдин партиясы Берлиндеги шайлоодо утулуп калды


Германия канцлери Ангела Меркель.

Германияда канцлер Ангела Меркелдин партиясы Берлинде регионалдык парламентке шайлоодо утулуп калды. Расмий маалыматтарга караганда, Христиан-демократтар (CDU) добуштардын 17,6 % алышты. Бул - партиянын буга чейинки тарыхында калаадагы эң начар көрсөткүч болуп саналат.

Атаандаштыкта 22 % добуш менен оңчул-борборчул социал-демократтар (SPD) жеңди. Солчулдарга 15,6 %, ал эми Жашылдар партиясына 15,2 % тийди. Мигранттарга каршы "Германия үчүн альтернатива" оңчул партиясы 14 % алып, биринчи жолу регионалдык парламенттеги мандатка ээ болду.

Эки жума мурун Меркелдин партиясы Мекленбург-Алдыңкы Померания чөлкөмүндөгү шайлоодо 3-орунду ээлеп калган эле. Канцлердин популярдуулугу анын өлкөгө мигранттарды арбын киргизүү чечиминен кийин кескин төмөндөп кетти. Туура бир жылдан кийин Германияда жалпы парламенттик шайлоо өтмөкчү.

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

Сунуш кылынган арга.

XS
SM
MD
LG