Линктер

шейшемби, 22-август, 2017 Бишкек убактысы 22:36

Сербиянын мурдагы жарым аскердик командири Драган Васильевич Хорватияда сотко өзү келди. Ага 1991-95-жылдардагы согуш маалында согуштук кылмыштарды жасаган деп айып тагылууда.

Капитан Драган деген атка конгон бул адам шейшембиде башталган соттук териштирүүдө күнөөсү жоктугун айтты.

Ал 1991-жылы серб көтөрүлүшчүлөрдүн чордонуна айланган Книн аймагында жана 1993-жылы Брускада туткундагы хорватиялык аскерлерди кыйнаган жана өлтүргөн, ошондой эле бир нече айылга чабуулдарды уюштурган деп айыпталган.

Бул айыптар боюнча Драган Васильевичке 20 жылдык абак жазасы берилиши мүмкүн.

Васильевич 2006-жылы Австралияда Даниел Снедден деген ат менен гольф инструктору болуп жүргөндө кармалган.

Экстрадиция боюнча тогуз жылга созулган териштирүүлөрдөн кийин былтыр Хорватияга өткөрүлүп берилген. (KKs)

“Азаттык” үналгысы журтташтар арасында онлайн сынак жарыялайт! Сынакка келген материалдар менен бул жерден таанышсаңыз болот. Материалдар 31-августка чейин кабыл алынат. ​

XS
SM
MD
LG