Линктер

шаршемби, 20-сентябрь, 2017 Бишкек убактысы 22:34

Малайзиялык учактын кыйрашына шектелгендер 2017-жылы аныкталат


Малайзиялык “Боингдин” Украинада кыйрашына шектүүлөрдүн тизмеси 2017-жылдын башында ырасталат. Бул тууралуу Австралия ички иштер министри Жулия Бишоп билдирди.

Австралия трагедиянын чоо-жайын иликтеген эл аралык комиссияга мүчө. Комиссияда Бельгия, Малайзия, Украина жана Голландия да бар.

Эл аралык комиссия 28-сентябрда алгачкы расмий иликтөөсүн жарыялаган. Анда лайнер Украинага Орусиядан алынып келинген “Бук” ракеталык системасынан, жикчилдер көзөмөлдөгөн аймактан атылганы айтылган.

Комиссия кылмышка шектелгендер тизмесинде 100 киши бар деген болчу.

Амстердамдан Куала-Лумпурга бараткан малайзиялык учак 2014-жылдын 17-июлунда Донбасста атылган. Бортундагы 298 кишинин баары өлгөн.

Кырсыкты иликтегендер бул ишке Орусия колдогон жикчилдердин катышы бардыгын айтышса, Орусия Украинаны айыптап келет.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG