Казакстандык муз бийчиси Элизабет Турсынбаева Канаданын Монреаль шаарындагы Autumn Classic International турниринде коло медаль жеңди.
Жалпысынан турнирге 13 өлкөдөн 18 спортчу катышкан. Биринчи орунду 2008-жылдагы АКШ чемпиону, Төрт континенттин күмүш жана коло байгелеринин ээси Мираи Нагасу ээледи. Канаданын 2016-жылдагы чемпиону Ален Шартран экинчи болду.
Элизабет эми 1-5-ноябрда Москвада өтчү муз бийи боюнча Гран-приге даярданууда.
Элизабет Турсынбаева Кыргызстанга жээн. Энеси Падишахан Султаналиева Жалал-Абаддын Аксы районунан болот
