Мындай маалыматты Баткен шаарындагы «Алтын Бешик» балдар бакчасында тарбияланган наристелердин ата-энелери «Азаттыкка» билдиришти. Бул маалыматты шаардык мэриядан да тастыкташты. Аталган балдар бакчасында сарык оруусуна кабылган балдардын саны бир учурда бешке жеткен. Мындан улам санэпидемиологиялык борбордун сунушу менен бала бакча бир жумага жабылды. Баткен шаарындагы “Алтын-Бешик” тарбия үйү 200 орунга ылайыкташкан, бирок бала бакча тартыштыгынан улам анда 400дөй бала тарбияланат. (JsA)
