Бүгүнтөн тарта Талас облусунда диний агымдар, анын ичинде экстремизм боюнча мектеп окуучулары үчүн атайын лекциялар өтө баштады. Иш-чараны Улуттук коопсуздук боюнча мамлекеттик комитеттин облустагы өкүлчүлүгүнүн кызматкерлери, теологдор менен жаш активисттер уюштурууда.
Белгилүү болгондой, ушул күнгө чейин Талас облусу боюнча эктремизмге шектелип 11 адам кармалган.
Тыюу салынган «Хизб-ут-Тахрир» диний агымы Таласта кеңири жайылган. УКМКнын билдиришинче, облуста анын 30дан ашык мүчөсү бар. Уюм Кыргызстанда 2000-жылдары кулач жайган.
Экстремизмдин алдын алуу максатын көздөгөн иш-чара облуста беш күнгө уланат. (AlS)
