Ооганстандын коопсуздук күчтөрү Кундуз шаарынын түштүк бөлүгүнөн талип согушкерлерин сүрүп чыгарды. Талиптер шаарга апта башында басып кирген эле. Бирок Кундуз аймагынын жергиликтүү кеңешинин мүчөсү Мохаммад Юсуф Аюбинин айтымында, калаанын чыгыш жана батыш тарабында атышуулар дагы деле уланууда. Жергиликтүү тургундар кармаштардан жан сактап башка жерлерге жер которушууда.
