Бул тууралуу “Азаттыкка” журналисттер бирикмесинин төрагасы Абдыкадыр Султанбаев билдирди. 14-октябрда А. Осмонов атындагы улуттук китепканада өтчү жыйынга ар аймактан биригип жүзгө жакын өкүлдүн келиши күтүлүүдө.
Жыйында журналисттер бирикмесинин ишмердүүлүгү тууралуу маалымат берилип, журналисттердин этикалык кодекси кабыл алынып жана уюмга жаңы төрага шайланат.
Журналисттер бирикмеси 1959-жылы түптөлгөн. Акыркы 20 жылдан бери уюмду Абдыкадыр Султанбаев жетектеп келатат.
