Манхеттенден Лонг-Айлендге бараткан жүргүнчү ташыган поезд оңдолуп жаткан башка бир поезд менен кагылышып, рельстен чыгып кетти. Андан 29 киши ар түрдүү жаракат алып, ооруканага түштү. Ондогон адамдарга жеринде медициналык жардам берилди.
Окуя 8-октябрь күнү кечки саат тогуздарда болгон. 12 вагондо 600 чамалуу жүргүнчү бараткан эле. Кырсык жүз берген жолдо каттамдар убактылуу токтотулду.
