Өздөрүн коомдук-патриоттук кыймыл деп атаган "Элдик Сакчы", "Патриот", "Мекен үчүн", "Өрнөк шамы” уюмдарынын өкүлдөрү Конституцияны өзгөртүү боюнча референдум өткөрүү сунушун кубаттап жатышат.
Жогорку Кеңеш референдумду 4-декабрга дайындаган. Мыйзам долбоорду парламент 1-окуудан өткөргөн. Ага каршы активисттер жана саясатчылар кол топтошууда. 8-октябрда Бишкекте оппозиция менен “Референдумга - жок!” кыймылы уюштурган Конституцияны өзгөртүүгө каршы курултай өтүп, бийликти жана парламентти бул демилгеден баш тартууга чакырык ташталды. (NT)