Линктер

ЧУКУЛ КАБАР!
29-Октябрь, 2021 жума, Бишкек убактысы 02:13

Сүрөтчү Жоомарт Кадыралиевдин өмүр жолуна арналган китеп чыкты


Жоомарт Кадыралиевге арналган китеп.

Кыргыз эл сүрөтчүсү Жоомарт Кадыралиевдин өмүрү жана чыгармачылыгына арналган китеп чыкты. Аны Улуттук илимдер академиясынын “Илим” маалымат-басма борборунун директорунун орун басары Сапалкан Арипов жазды. Китеп “Жоомарт Кадыралиев” деп аталат.

III даражадагы "Манас" орденинин жана эл аралык ЕСО маданий борборунун алтын медалынын ээси Жоомарт Кадыралиевдин өмүр жолу жана чыгармачылыгы тууралуу даректүү баянга анын ой-толгоолору, баарлашуулары да кирген. Китеп эскерүүлөр жана сүрөттөр менен коштолгон. Китеп сүрөтчүнүн 70 жылдыгына арналды.

Жоомарт Кадыралиев былтыр февралда 69 жаш курагында дүйнөдөн өткөн.

Ал 1995-жылы Таласта курулган “Манас” этнографиялык комплексинин эскизин даярдаган. “Эсимде”, “Туулган жер”, “Репрессиянын курмандыктарына эстелик”, “Кош бол, Алымкан” жана башка ондогон чыгармалары менен кыргыз сүрөт өнөрүндө өз ордун тапкан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG