Бишкек-Доха багытында авикаттам ачуу пландалууда. Кыргызстандын Катардагы элчиси Нуран Ниязалиев “Катар Эйрвейс” компаниясынын вице-президенти Али Аль-Раис менен ушул маселени талкуулады.
Тышкы иштер министрлиги кабарлагандай, Кыргызстан менен Катар ортосундагы экономикалык жана маданий карым-катышты дагы да жандантууга учак каттамы маанилүү роль ойнойт. Элчи аталган авиакомпания жетекчилигине Бишкектеги "Манас" эл аралык аэропортунун шарттары менен тааныштырды.
Тараптар бул жаатта мүмкүнчүлүктөрдү изилдеп жатышат.
