Орусиянын тышкы иштер министри Сергей Лавров менен АКШнын мамлекеттик катчысы Жон Керри 15-октябрда жолугушат. Орус Тышкы иштер министрлиги билдиргендей, Швейцариянын Лозанна шаарына белгиленген сүйлөшүүлөргө аймактагы башка өлкөлөрдүн өкүлдөрү да катышат.
Жолугушууда Сирия кризисин жөнгө салуу аракеттери талкууланат. Буга чейин Лавров Си-эн-эн телеканалына курган маегинде жолугушууга Иран, Түркия, Сауд Арабиясы жана Катар катыша турганын айткан.