Балыкчы шаарында 19-октябрдагы катуу шамалдан бир катар үйлөр чатырларын учуруп кетти. Бул тууралуу Өзгөчө кырдаалдар министрлигинен кабарлашты. Маалыматка ылайык, шамалдын ылдамдыгы секундасына 28 метрге чейин жеткен. Шамалдын кесепетин Жарандык коргонуу комиссиясы тактап, 19 турак-үй, беш орто мектептин, үч бала бакчанын жана бир педагогикалык окуу жайдын чатырларын учуруп кеткенин аныктады.
Учурда катуу шамалдын кесепетин тактоо иштери уланууда.(BkA)
