Линктер

ЧУКУЛ КАБАР!
21-Октябрь, 2021 бейшемби, Бишкек убактысы 18:42

Казакстан оюнчуктарды текшерүүнү сунуш кылды


Оюнчуктар.

Казакстан Евразия экономикалык биримдигинин техникалык регламентине “Оюнчуктардын коопсуздугу” боюнча норма киргизүүнү сунуштады. Ага ылайык, биримдикке мүчө мамлекеттердин аймагына киргизилген оюнчуктардын бардыгы “психологиялык-педагогикалык экспертизадан" өткөрүлгөндөн кийин гана сатыкка чыгарылат.

Эгер оюнчуктар агрессивдүү сезимдерди козгоп, зомбулук жана адеп-ахлак нормаларын бузса, аларды сатууга тыюу салынат. Айрым казакстандык ата-энелер мындай сунушка нааразылыгын билдиришүүдө. Анткени бул долбоор кабыл алынса популярдуу мультфильмдердин каармандары да дүкөн текчелеринен алынышы толук ыктымал.

Казакстандын Керектөөчүлөрдүн укугун коргоо комитетинин өкүлү Нуркан Садвакасовдун айтуусунда, мындай экспертиза Казакстанда 2008-жылдан бери өткөрүлүп келет. Ал эми байкоочулардын пикиринде, кошумча экспертиза оюнчуктардын баасынын көтөрүлүшүнө гана алып келет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG