Бишкекте бала бакчалардагы балдардын арасында “Кыргыз улуттук оюндары” аттуу сынак өтөт. Бүгүн “Сейтек” билим берүү борборунда уюштурулуп жаткан иш-чара жеткинчектердин улуттук аң-сезимдерин өнүктүрүү максатын көздөйт. Бул тууралуу “Азаттыкка” аталган башкармалыктын башкы адиси Чынара Майтикова билдирди:
-Азыр шаардагы балдардын айрымдары кыргыз тилин билбей чоңоюп жатпайбы. Ошондуктан, мамлекеттик тилдин маанисин оюндар аркылуу аларга жеткирип, мекенди жана эне тилди сүйүү сезимдерин ойготууну максат кылганбыз.
Балдар сынагын “Сейтек” билим берүү борбору менен “Роза Отунбаеванын демилгелери” эл аралык коомдук фонду бирге уюштурууда. (SE)
