Линктер

ЧУКУЛ КАБАР!
26-Октябрь, 2021 шейшемби, Бишкек убактысы 11:03

Порошенконун Атамбаев менен “сүйлөшкөнүн” кыргыз тарап оюн деп атады


Украина президентинин сайтындагы маалымат.

Президент Алмазбек Атамбаев менен Украина мамлекет башчысы Петро Порошенко телефон аркылуу сүйлөшүп, саясий диалогду жандантууну талкуулашканы тууралуу маалыматты кыргыз тарап төгүндөдү.

Президенттик аппараттын маалыматтык саясат бөлүмү “Азаттык” радиосуна билдиргендей, белгисиз кишилер бул ыкма менен Украина мамлекет башчысын тамашага салган болушу мүмкүн.

2-ноябрда Украина президентинин расмий сайтында Атамбаев менен Порошенко сүйлөшкөнү, тараптар саясий ымаланы жандантып, өкмөт аралык жыйындарды тез-тез өткөрүп турууну макулдашканы кабарланган. Ошондой эле Орусиянын транзиттик чектөөлөрүнөн улам Украинанын товарлары Кыргызстанга келбей жатканын, бул маселени чечүүнүн башка жолдорун талкуулашканы айтылган.

Расмий Киевдин маалыматында Кыргызстан менен Украинанын алакасын жакшыртууда Бириккен Улуттар Уюму да маанилүү роль ойной турганы жазылган.

Бул маалымат Порошенконун сайтында бүгүн деле турат. (SE)

Президенттик аппараттын Маалыматтык саясат бөлүмүнүн өкүлү Адилет Султаналиевдин "Твиттерге" жазганы.
Президенттик аппараттын Маалыматтык саясат бөлүмүнүн өкүлү Адилет Султаналиевдин "Твиттерге" жазганы.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG