Бул тууралуу Жогорку Кеңеш жыйынында КСДП фракциясынын лидери Иса Өмүркулов билдирди. Анын айтуусунда, 3-ноябрда түзүлгөн көпчүлүк коалиция премьер-министрлик кызматка кайра эле Сооронбай Жээнбековдун талапкерлигин көрсөтүүнү чечти.
Жаңы түзүлгөн биримдиктин курамына КСДП, "Кыргызстан", "Бир бол" фракциялары кирип, 68 депутаттан куралды.
КСДП, “Кыргызстан”, “Ата Мекен” жана “Өнүгүү-Прогресс” партиялары кирген жана «Туруктуулук, ишеним жана жаңы мүмкүнчүлүктөр» деп аталган мурдагы коалиция бир жылга жетпей, 24-октябрда бузулган.
Эреже боюнча коалиция тарагандан кийин премьер-министр жана министрлер кабинети утурумдук “милдетин аткаруучу” болуп калышкан. (NT)
